هيه يـاروح المولـع ياضبـي  الرفـاع

هيه يالي جبت قلبي من الريضان  طـوع

هيه يالي تملك السحر بالسـود  الوسـاع

هيه يالي كنك الشمس في وقت  الطلـوع

لاتهـدد بالمفـارق وتـشـر باصـبـاع

وكن لك عندي خزاين حوت مليون نـوع

النصايـح بـاول الوقـت بالدنيـا  تبـاع

مير خذهـا لـك هديـه وياعلـك قنـوع

لايغرك زين وصفك وملكـك فيـه بـاع

الجمال الي يعزه علـى النفـس الطبـوع

وان بغيت اتطاع آمر بشئ(ن)  مستطـاع

لاتجاوز قدرة النفس بأسلـوب  القطـوع

ولاتقول الوقـت لـذات والدنيـا  متـاع

ولاتعدى حد غيرك تـرى الدنيـا متـوع

باكر تعلمك الايـام وش معنـى  المتـاع

مثل ماتفرق ضحى السبت عن يوم الربوع

مافهمتك لين طاحـت مقاضيـب  القنـاع

ولا عرفتك غير هالحين لوشفتك اسبـوع

روح بدربـك وسافـر بليـاه  الــوداع

ماجرحك الوقت مـره وسيلـت الدمـوع

ولا انا ضراني الوقـت لأنيـاب السبـاع

كـم تقهوتنـي سنينـي وخلتنـي قـدوع

علمتني سود الايام وش معنـى  الـوداع

علمتني لاقسى الوقت وش معنى الدمـوع

علمتني لاطغـى الكيـل واشتـد النـزاع

علمتني كيف تقـوى مهاديـف الضلـوع

علمتني لو مشى القلب في درب الضيـاع

عن دروب(ن) سرمديه وعن خط الرجوع

علمتني كيف الكيل حـق الصـاع صـاع

وعلمتني عزت النفس يوم الوقت  جـوع

ول من وقتاً حداني علـى سـم  الافـاع

لو يطيع القلب ولي نفس ماعتادة  ركـوع

ول من يوم(ن) حصل فيه وياك  اجتمـاع

ذاك يوم(ن) لو وصلني على قلبي  قطوع