ياقلـب هــون كــن مـالاعـك فــراق
ولكن عمرك ذقـت فرقـى الحبايـب
أدري تحبـه حـب مـولـع ومشـتـاق
ولو هو بكيفك ماصبـح اليـوم غايـب
وادري تعاف من البشر غيره أذواق
وادرى خفوقك من عنى البعد ذايب
لكـن وش الحيلـه أذا صــرت تــواق
والقلـب زاده جـرح شـقـر الـذوايـب
البعـد حـق وعلـم القلـب وأن فـاق
وقله ترى صابـه مـن الوجـد صايـب
ايــــوالله أنــــه مــبــدع ودوم ذواق
يقـرى عيونـي شيـخ كـل الحبايـب
ارتاحله لامـن بـدى داخلـي ضيـاق
واشتاقله شوق(ن) تعدى القرايـب
غيره أبد مابناظري من البشـر لاق
سهمه يصيب وباقي النـاس خايـب
وان عاد قلبي خص غيره بالاشواق
عسى ينـال القلـب عقبـه مصايـب
من لامني في صاحبي جعله يعاق
وعسـى ديـاره ماتجيـهـا سحـايـب
والدم يجمد فـي عروقـه وبالسـاق
مابـه حيـاه وجسمـه اليـوم عـايـب

بدون اسم