كف كفك وش بقالك مانبـي منـك أعتـذار

كفها قبل الحظور يلاحظ الوضـع  بذهـول

سو كل الـي طرالـك ثـار او رد اعتبـار

مايهم الحاصل أني عفـت قربـك  ياملـول

لاتمنـى كـل شـئ بينـنـا ولا  وطــار

ولاتحـاول قفلـت ماظـن للقيـا حـلـول

كـل ماقلـت أبتنالـك ود جبتيلـه دمــار

كثرت أعذارك صراحه كل ضن فيه يجـول

التمست العذر مرات(ن) عديـده باختصـار

وعافك الخاطر أبد لاترتجتي منـي  نـزول

ما أبالغ لو اقول أنه صعـب هـذا القـرار

لكن الفرقى ولا خل(ن) برغباتـه  عجـول

زين اطباعك قبل ياشـوق يسبقـك القطـار

وبعدها تفوتك الرحلـه ولاتلقـى  وصـول

وش بقالك عند قلب(ن) صار لاشواقك مطار

غيرك من البيض حاول مير ماعيـن قبـول

شف ترى ماباقي الا كلمت(ن) لك بأختصار

وردك اليانع عقب ماخضر شفنالـه  ذبـول

جفت اقلام الوداع وكل حـزن(ن) بأنتظـار

والفرح قص التذاكر وسفرته ظنـي تطـول