ليه ياجرح المحبه في ألـم قلبـي  تزيـد

مارحمة الي قتلته وأنت سبـة مصرعـه

لاتلوم القاف لوصاغ المعانـي  بالقصيـد

دام لك عين(ن) إذا ناظرت فيها  موجعـه

خلني مرتاح جنبك قرب خفاق(ن)  عنيـد

دام حبك في حنايا الروح قلبـي  وزعـه

شوقك بقلبي حبيبي مالكن كـل الرصيـد

لا تأخـر دام للحـب بـاقـي أودعــه

وش يضيرك والغلا يسرح ويمرح بالوريد

لونثرت الحب كل عروق قلبـي تجمعـه

لك وفا يكبر بروحي واكده حبـك  أكيـد

لو طلبت الحب فيني كان جاوب مسمعـه

آآآه كيف أصبر وحبك ذوب أقلام  الحديد

مابقاله عذر لوفاض القلـم مـن مدمعـه

أشتكيك الله هو الي ماخذن(ن) حق  العبيد

وتشتكيك عيون ولهى في غرامك مولعـه

وانت يامدمي جروحي غير قربك ما نريد

أقترب للي سقيته سـم حبـك  وجرعـه

جفت اقلامي وانا برجيك ياشوقـي تعيـد

بس دامك ناوي البعـد هالبيـت  اسمعـه

شف حبيبي دامك بتبعـد فلاتبعـد  بعيـد

خللي طيفك اذا لك خلـق قلبـي  تنفعـه