ضاق صدري ومن وراه الله صدره  مايضيق

ولو يضيق اليا ذكر ربه تلاشـا  هالضيـاق

والجروح الي سبت قلبـي وقلبـي مايطيـق

لاسقى الله يوم شفناها بعـد طـول أشتيـاق

كل ماجيته وله وأشـواق ضيعـت الطريـق

وكل ماقفيت قال أقبل علـى حلـو  المـذاق

في حنايا خافقي تجريح مـن فعـل الرفيـق

جيت ابصبر بس في جرح(ن) تعدى هالنطاق

من بـلاه الله بقفايـة غـرام أحـلا عشيـق

مايضيق ويحتسب مـادام ماصـار  الوفـاق

هو خطاه أنه جذبني وصرت في بحره غريق

كل ماقلبـي نهـض أغـواه حبـه للغـراق

اسمحولي باوصفه بالوصف لو مانـي دقيـق

باوصفه من قلب صـادق لامديـح ولانفـاق

عنقها عنق الضبي الـي جفـل عيـا يليـق

لا لحـظ قنـاص والقنـاص ناويلـه يعـاق

لاقبلت قلنا بدر في ليلـة(ن) قمـرا  زريـق

وان تثنى شعرها شـلال منسـاب  بـرواق

والشفايف حاليه مع ثغر يحوي طيـب ريـق

مع عيون(ن) سود فيها شف لاصحاب المذاق

من يلـوم القلـب علـه للجحيـم وللحريـق

لابعد واطلب منه الله له عذاب(ن)  مايطـاق

صح عذبني وغربلني ابـو قلـب(ن) رقيـق

حايرن مابين الأهلـي والنصـر  والاتفـاق

أن لعبنا انسجمنـا نلعـب بـروح  الفريـق

مركزي دايم آخير وفوقها صفعـت  طـراق

بس أنا مسامح ولاجا الضيق منها ما أضيـق

وان نوت تكوي خفوقي قلت قلبـي  مايفـاق