تسلم على جرحك وتسلـم  نوايـاك

على العمـوم الله يعيـن  الفـؤادي

مادام قـدري مـا لمستـه بيمنـاك

ومادام صرت بنظرتك شئ  عـادي

بابعد واخلد داخـل القلـب ذكـراك

واصون قدرك واحفظه في  بعـادي

ماقـول مليتـك ومليـت  طريـاك

وماقول روح وعل دربـك سـوادي

بالعكس اقول الله يعـزك  ويحمـاك

ويهديك ربي درب خيـر  العبـادي

أنا احبك واعشق رضاك  واهـواك

كيف أكرهك وانا شعـور ومبـادي

ان كنت عادي عند مثلك وشـرواك

تراك عندي يالغلـى غيـر عـادي

كتبتك بصدري وفي صدري اقـراك

وجاوزت في آخر حـدود التمـادي

واليوم بمحى الحب ومن قلبي بمحاك

واقول لاتسمـع خفـوق(ن) ينـادي