متى يطيب الوقـت ولا  يروقـي

وجروح تالي هالسنيـن أعسفهـا

ومتى تلوح مع الزمان  البروقـي

وتنثر مزون الوسم ممـا  ردفهـا

واقطف زهر نوار روس  العذوقي

وانسى المواجع والجروح او قرفها

وامشي مع الدنيا بكيفـي وذوقـي

مامشي وكني واطياً في  رضفهـا

ماني من الي دالـه(ن) مايفوقـي

اسنين عمره مانشد عـن  سلفهـا

ولا دق بابه من زمانه  طروقـي

فات الزمـان ودمعتـه ماذرفهـا

انا وسمني بأول الوقـت  شوقـي

بعيـون حـراً ماتعـدت  هدفهـا

خلى الوريد الحجل والقلب  طوقي

وأشر على هدف الضلوع اونسفها

وراحت تهزع بين حشمه وذوقـي

تعبير من داج الفضى ما وصفهـا

وقفت وماكنـي بعيـد الطروقـي

كني وانا عمري ثمـان  اعرفهـا