هي بقايا شوق لجروح(ن) كوتني من  سنين

عافها قلب المولـع وانتهـت مـن  دنيتـه

صاغها بحروف لينها وهـي عيـت تليـن

أعسرته وهو عسرها لين عافـت  شوفتـه

حاول أنـه ينظـم ابياتـه لقاريهـا  تبيـن

عذبـه قـرب المـوادع والمـوادع شفتـه

قال فيها من يلوم الي جذبـه الهـا الحنيـن

ليت روحه ماشكت هوجاس قلب(ن) ردتـه

غردتله في صباها لين صار الهـا سجيـن

حتى أن سجان روحه مـن فضاهـا لمتـه

انتهى ليلـه بآهـات(ن) وتجريـح  ونيـن

انتهى عمره وهو مسكيـن ضيـع  بسمتـه

جاملتبـه دنيتـه بالحـب والهـاه الحنيـن

وارتبك لحظة لمحها كيف لوهـي  ضمتـه

سارقه تسرق غلا هالقلب في قلب(ن) حزين

هي تظاهـر كنهـا تشفيـه لاكـن  علتـه

مـا أوتلـه كنهـا ديـان يطلبلـه  مديـن

الكفالـه والصكـوك المعـسـره مافكـتـه

آه واقلب العنـى غـروه لـو انـه فطيـن

مانفعه الحرص يـوم عيـون شوقـه تلتـه