علمتني مادرت اني من الفرقـى زمـوق

قصدها تبي الـوداع وطمنتـي  راجعـه

قلت قلبي ودعك والروح من شانك  تتوق

ارحم عيون(ن) على فرقى الحبايب دامعه

آه ياليت الليالي مسرعات(ن)  للشـروق

وجريها جري السحاب الي بروقه لامعـه

وآه ياليت الدقايـق فـي ثوانيهـا تفـوق

ويرجع الي كل همن عن خفوقي  مانعـه

مالنا غير الصبر والروح ماظن له تطوق

باتكل بالله وبارجي من طموحه  شاسعـه

شوقنا لامر القى فاضح وكل منا  شفـوق

بس من يقدر يطمن من عيونـه طامعـه

جفت اقلامي وهم البعد للخافـق طـروق

والبلا من يقنع آمال(ن) بروحي ضايعـه

كلنا شوق وعلى اللقيا دمانا لـك نسـوق

لاتأخر عجل لروح(ن) من أجلك  نازعه

العهد ترى العهد مسئول عنه الي  يبـوق

وصاحبك ماقد نسى قولت تراني راجعـه

ايه انا ماني وني وابشرك ماني  طفـوق

بس ليه روح مع روح الحبايـب مايعـه