آه من قلب(ن) رماه الزين بالرمش  الضليل

كل ماداوى جروحه جاه تجديد  الصـواب

كابرت كان بهدفهـا تشعـل بقلبـي فتيـل

مادرت بالهقوه الي عانقت غـر السحـاب

بلغوها كـان تحسبنـي لـه الفتنـه ذليـل

وعلموها كان تجهلني ترى ربعـي  ذيـاب

وفهموها لاذكـرت الله تجاهلـت الجديـل

عفتها لوشالت مـن الزيـن مالـذ وطـاب

وعلموها ماقعي بالجال في وقـت المقيـل

غير روس الشاهقه لامن نواهـا  مايهـاب

خبروها ودي اصبر والصبر قالـو جميـل

مايفيد السيف والبندق ولا ظرب  الحـراب

توها ماتدري أن الحـب مشـواره طويـل

وتوها ماتدري ان الشوق واشواقه  عـذاب

وتوها ماهممـت والقلـب أخطـاه الدليـل

والخفوق من الشقى مجروح به نوع أكتئاب

ولادرت ان الهوى راعيه مايرضي القليـل

لابعد ماتدري أنه يرفض حلـوم السـراب

علموها سعود باشواقه أبـد ماهـو بخيـل

بس طبعه واثق الخطوه أذا شـاف النقـاب

بدون اسم